Pablo Picasso

Pablo Ruiz Picasso, Málaga (Espainian) 1881eko urriaren 25an jaio eta Mougins (Frantzian), 1973ko apirilaren 8an hil zen margolaria izan zen, XX. mendeko artista esanguratsuenetarikoa. Georges Braque frantsesarekin batera kubismoa sortu zuen.

Haren aita José Ruiz Blasco ere Málagan jaioa zen, margolari eta marrazkilari aritzen zen. Bere ama, María Picasso Lopez zen.

1898an bere lehenengo banakako erakusketa egin zuen Bartzelonako Els Cuatre Gats jatetxean. 1900eko udazkenean Erakusketa Unibertsala ikusteko asmoarekin bere lehendabiziko bidaia egin zuen Parisera. Hor Petrus Mañach arte-merkatariari hiru marrazki saldu zizkion eta honek hileko 150 libera eskaini zizkion Picassori urte beteko lanagatik, esan liteke horrekin margolari profesionala bihurtu zela.

1901ean berriro Parisera joan zen. Max Job ezagutu zuen eta bere garai urdina deitutako aldia hasi zen. 1904an azkenik Frantziako hiriburura lekualdatzea erabaki zuen.

1942an Frantziako Alderdi Komunistako kidea egin zen.

1946an bere Vallauris garaia deitutako aldia hasi zen. Aldi honetan zeramika ere lantzen hasi zen. Picassok lan egiten jarraitu zuen Frantzian 1973an hil zen arte 91 urte zituela. Lan artistiko aberatsa eta izugarri handia utzi zuen.

La Première Communion koadroa pintatu zuen 1895tik 1896ra.