Boudica

  Boudica, 27an jaio Britainian eta 61an hil zela usten da, Britainian. Icenoen gerlari erregina zen eta Britaniako hainbat tribu batu zituena izan zen. Britaniaren Erromatar okupazioan jazotako matxinadarik handienaren buruzagia izan zen, hain zuzen ere matxinada hau Neron-en agintaldian gertatu zen, 60 eta 61 bitartean.

Erromako Klaudio enperadoreak Britainiar uharteak behin betikoz inbaditzea erabaki zuen K.o. 43. urtean. Bertako tribuetako batzuek matxinatuak jarraitu bazuten ere, beste batzuek erromatarrekin itunak sinatu eta haien aliatu bihurtu ziren.

Boudica-ren senarrak, Prasutago erregeak, hainbat akordio sinatu zituen erromatarrekin. Baina erregea hil zenean, berez, erregearen lurralde zati bat Boudica-ren bi alabek heredatu behar zuten baina, erromatarrek hainbat lurrez jabetu, Boudica erregina alarguna zartatu eta haien alabak bortxatu zituzten.     

Egoera horri aurre egin nahian altxatu zen Boudica erregina erromatarren aurka. Erromatarren aurkako borrokan, Britainiako hainbat tribu berarekin batzea lortu zuen.

  Camulodunum hiri erromatarrari erasoa jo eta birrindu zuten. Lortutako arrakastak Boudica Londinium (gaurko Londres) hiriburuari begira jarri zuen. Haren babeserako soldadu erromatar gutxi zeudela ohartuta, britainiarrek hiria bereganatu zuten zailtasun handirik aurkitu gabe, bertan ziren erromatarrak suntsituz. 
 

 

Antzera jokatu zuten Verulamium-en ere. Britainian zeuden hainbat erromatar hiri bereganatzea lortu zuen Boudica-k.

Boudica erreginak 100.000 eta 230.000 inguru arteko britainiarrez osatutako armada gidatu zituela, gutxi gora behera, pentsatzen da.   

Erromatarrek, hainbat saiakera egin zuten Boudica-ri aurre egiteko, baina hainbat porrot jasan zituzten, erromatar armadaren kantitatea txikiagotuz. 

Baina orduan, Kaio Suetonio Paulino gobernadoreak, Boudica-ri lur zabalean borrokarazi zion eta orduan, Boudica-k gerra galdu zuen.

 

Ez dago informaziorik, Boudica-k gerra hori eta gero, bizirik atera edo hil al zen.