Freddie Mercury

  Freddie Mercury, (Farrokh Bommi Bulsara izenarekin   jaio zen) 1946ko irailaren 5ean Stone Town, Zanzíbar irla txiki batean (Tantzania-n) jaio eta 1991eko azaroaren 24an Londres-eko Kensington auzoan (Erresuma Batuan) HIESak (gazteleraz, sida) eragindako bronkopneumonia baten ondorioz hil zen (ofizialki sida zeukala jakinarazi eta egun gutxira), 45 urterekin. 

  

Queen rock talde britainiarraren abeslaria eta ikurra izan zen. Talde honetan, konpositore, pianista, gitarra eta abeslari izan zen. Rockaren historian, abeslari hoberenetako bat izan zela kontsideratzen da eta duela gutxi egindako inkesta batean, Rockaren Jainko aukeratua izatera iritsi da.

  Garai hartan Britainiarra zen Zanzíbar irla. Bere gurasoak, Bomi eta Jer Bulsara, Indiako parsi (erlijio mota bat) batzuk ziren.

  1964an, Zanzíbar-reko ezegonkortasun politikoagatik, herrialdea utzi zuten eta Ingalaterrara joan ziren. Hasiera batean, Freddie eta bere familia lehengusu batzuekin bizi ziren Felthamen (Middlesex) inguru hartan etxe txiki bat aurkitu zuten arte. 

  
Freddiek 17 urte zituen eta arteko fakultatera joan nahi zuela erabaki zuen, baina, onartua izateko, oso nota altua behar zuen. Horregatik, 1964an bere etxetik gertu zegoen Isleworth-eko eskola politeknikoan matrikulatu zen. Horrela bere arteko kalifikazioa hobetzeko, behar zuen nota igoz.

Oporretan zenbait lan egiten aritu zen dirua irabazteko: bere etxetik oso gertu zegoen Heathrow aireportuko jatetxean, Feltham merkataritza agentziako biltegiko kaxa handiak zamatzen eta pilatzen... Nota gorena lortu zuen eta 1966ko udaberrian joan zen Isleworth-etik.

1969ko ekainean ikasketak Ealingeko unibertsitatean bukatu eta gero, Diseinu eta Arte Grafikoetan diplomatua zen. 

  1969ko abuztuaren 13an ikusi zituen The Ibex bandakoak lehenengoz Freddiek eta erabat liluraturik gratu zen. Abesti berriak ere egin zituen eta beraiekin batera joan zen Lancashir-eko konderrira; hantxe izan zen Freddieren debuta kontzertu batean, abuztuaren 23an.

  Izena aldatu zuen (Farrokh izena edukitzetik, Freddie izena edukitzera). Baina banda desagertu egin zen betirako.

   Freddie beste banda baten bila hasi zen eta Sour Milk Sea aurkitu zuen Melody Maker egunkarian. Abeslari bat behar zuten.

1969an, Freddie Sour Milk Sea bandaren liderra zen. Chris Chesney bokalista eta gitarra zen, Paul Milne baxua, Jeremy Rubber Gallopek gitarra ritmikoa jotzen zuen eta Rob Tyrellek, berriz, bateria. Hainbat entseguren ondoren, Oxforden eman zituzten kontzertu batzuk. Hainbat arazo egon ziren taldean eta banda disolbatu egin zen.  

  1970eko apirilean, Tim Staffellek Smile banda utzi zuen eta Freddiek beraiekin batzeko erabakia hartu zuen. Freddie izango zen abeslari nagusia. Izena aldatu behar zitzaion bandari eta Queen izango zela erabaki zen. Bere abizena ere aldatuko zuen eta Mercury jarri zuen.

  1971n, John Deaconek hasi zen Queen taldearen baxua jotzen. Freddiek diseinatu zuen logoa: bi lehoi Roger eta Johnentzat (Leo ziren), karramarroa Brianentzat (Kantzer) eta bi aingeru beretzat (Virgo). 

  
  1980an, Freddie-k irudi aldaketa garrantzitsua egin zuen eta ilea moztu eta bibotea utzi zuen.

  1982an, Queen-eko kideek deskantsu bat hartu beharrean zirela erabaki zuten.

 1984an, Queen berriro itzuli zen, indarberrituta eta, funk eta diskoa baztertuz, berriro joan ziren 70eko hamarkadan ospea eman zien popera.

 Frediek hainbat kanta bakarkako moduan egin zituen, baita beste kantari batzuekin kantak egin ere.

  1985eko uztailaren 13a egun berezia izan zen Queen-entzako eta Freddierentzako. Live Aid eguna zen eta mila milioi pertsonek ikusi zuten mundu osoan. Arrakasta izugarria izan zen. 1986an izan zen Queen-en azken bira. Magic Tour Europan zehar ibili zen bi hilabetez eta Knebworth Parken bukatu zen abuztuaren 9an.

  Maiatz bukaeran, Eivissan jaialdi handi bat izan zen, eta Freddie ohorezko gonbidatua izan zen. Montserrat Caballékin batera berak idatzitako abestia, Barcelona kantatu zuen. Gerora, Espainiako Komite Olinpikoak single hura 1992an Bartzelonan egingo ziren Joko Olinpikoetarako ereserki ofizial egitea erabaki zuen.

Heriotzaren ondoren, Freddie Mercuryk prestatuta utzi zuen material ugari editatu zuten. Azken guraria Bohemian Rhapsody berriro ateratzea izan zen. HIESaren gaitik hil izanaren ondorioz, ugari zabaldu zen gaitz horren gaineko ezagutza eta kontzientziazioa. Ferddieren omenez, hainbat kontzertu egin dira eta Bere estatua bat dago Montreuxen, Suitzan.